Pages Navigation Menu

Վիշինսկի Անդրեյ Յանուարի

Վիշինսկի Անդրեյ Յանուարի (1883-1954), խորհրդային պետական և կուսակցական գործիչ, իրավաբան: Համարվում է ստալինյան քաղաքական բռնությունների կազմակերպիչներից մեկը: 1925-1928 թթ. Մոսկվայի պետական համալսարանի ռեկտորն էր, իրավաբանական գիտությունների դոկտոր, 1939 թ.՝ ԽՍՀՄ ԳԱ ակադեմիկոս: 1935-1939 թթ. ԽՍՀՄ գլխավոր դատախազն էր, 1949-1953 թթ.՝ Արտաքին գործերի մինիստրը: Քաղաքական բռնությունների իրավական կողմն ապահովող Վիշինսկին շրջանառության մեջ դրեց մի իրավական պրակտիկա, ըստ որի մեղադրվողն ինքը պետք է ապացուցի իր անմեղությունը: Սա այն դեպքում, երբ մեղադրվողների մեծ մասը նույնիսկ չգիտեր իրեն առաջադրված մեղադրանքը կամ միայն քննության ընթացքում էր հասկանում, թե ինչու՞մ են իրեն մեղադրում: Իսկ 1937-1938 թթ. ընթացքում հաճախ նույնիսկ քննություն չէր լինում և եռյակներն իրենք էին որոշում մեղադրյալի ճակատագիրը:

Share