Մյասնիկյան (Մյասնիկով) Ալեքսանդր Ֆյոդորի

Մյասնիկյան (Մյասնիկով) Ալեքսանդր Ֆյոդորի (1886-1925), հեղափոխական (կեղծանունը՝ Մարտունի), կուսակցական և պետական գործիչ, Բելառուսիայում խորհրդային իշխանության հաստատման կազմակերպիչներից և իրականացնողներից մեկը: Գրականագետ, մարքսիզմ-լենինիզմի ուսմունքի վերլուծաբան: Հայտնի է որպես շատ ընդունակ և գրագետ, բարեկիրթ, համեստ մարդ, հմուտ հռետոր: 1921 թ. մայիսի սկզբին Մյասնիկյանն ուղարկվել է Հայաստան, աշխատել է Ժողովրդական կոմիսարների խորհրդի նախագահի և Հայաստանի ռազմական ժողովրդական կոմիսարի պաշտոններում, միաժամանակ Անդրֆեդերացիայի ժողովրդական կոմիսարների խորհրդի նախագահի տեղակալ էր: «Заря Востока» թերթի խմբագիրն էր, ԽՍՀՄ Կենտրոնական գործադիր կոմիտեի անդամ: Զոհվել է 1925 թ. մարտի 22-ին Թիֆլիսում տեղի ունեցած ինքնաթիռի վթարից, որի արհեստածին լինելու մասին միշտ կասկածներ են եղել (Неслучайная авиакатастрофа, Военно-промышленный курьер, Մոսկվա, #10(77), 2005 թ. մարտի 23 (<http://vpk-news.ru/articles/804; http://svr.gov.ru/smi/2005/vpkurjer20050323.htm>):