Կալինին Միխայիլ Իվանի

Կալինին Միխայիլ Իվանի (1875-1946), ռուս հեղափոխական, խորհրդային քաղաքական գործիչ: Բոլշևիկների իշխանության գալուց հետո զբաղեցրել է բարձր քաղաքական պաշտոններ: 1932 թ. Կալինինն է ստորագրել «Հասկի մասին օրենքը», որի պատճառով ողջ Խորհրդային Միությունում շատ անմեղ մարդիկ զոհվեցին (այդ օրենքով Հայաստանում դատապարտվել են նաև սույն կայքում առկա պատմությունների մեր որոշ զրուցակիցների ծնողները կամ պապերը): 1938 թ. Կալինինը ԽՍՀՄ Գերագույն խորհրդի նախագահության նախագահն էր: Նույն տարին ձերբակալվել է նրա կինը` Եկատերինա Լորբերգը: Ազատվել է ներմամբ ամուսնու մահից մեկ տարի առաջ՝ 1945 թ.: